Blackjack

Sa pagtula
May kailangan kang itaya
Parang blackjack sa mga casino
Bihira manalo sa unang deal
Ace and jack, king, queen, o kaya ten

Hit naman ang iba
at magkailang hit pa
‘di na magawang magka-beinte-uno
Kaya fold na lang at mananahimik

Sa mga mayayabang, mga naka 18 o 19,
Hit pa rin! At talagang na-shock
Na sumobra, a.k.a nag-bust
kaya uuwing luhaan
at butas ang bulsa…

Kaawa-awa naman ang nag all-in
at ni isang kusing, hindi naiwagi,
at ang saya siguro
ng mga kuripot
na sa isang kusing na winaldas
limpak-limpak ang napala;
Suwertihan lang naman siguro.

Sa pagtula
Laging may itataya
Bahala ka na lang
Kung all in o hindi.

-Josh Madarang